PRESS RELEASE

En coneccion cu e articulo cu a sali publica den Diario di dia 4 di September 2009, directiva di Stichting Middelbaar Onderwijs Aruba kier a informa lo siguiente:

E aña escolar 2009/2010 e fondo di buki di Colegio Arubano a introduci e sistema di barcode pa tur buki cu e fondo ta huur na nos alumnonan. Esaki ta un otro parti di e sistema Magister cu nos a introduci desde aña escolar 2008/2009. E introduccion a trece cierto problema cune y nos ta trahando cu tur nos recursonan pa soluciona esakinan mas liher cu ta posibel

Ta berdad cu tin alumno cu no a haya tur buki ainda, debi na e problemanan cu nos a encontra. Tanten cu e bukinan aki no ta disponibel, e docentenan ta percura pa bin cu un solucion pa e alumnonan por sigui e lesnan. Asina tambe nan por prepara nan mes debidamente pa e proefwerknan, cu ta cuminsa dialuna awor.

Tin tambe alumno cu no a haya cierto buki debi na scarcedad dor di e cantidad di alumno cu nos a haya di MAVO y tambe e cambio di escogencia di profiel cu e alumnonan ta haci na ultimo momento a base di nan resultado di e aña escolar.

Nos a manda ordo e bukinan aki caba na Hulanda y nan lo manda esakinan cu avion. Manera cu e bukinan aki yega, e alumnonan lo haya esakinan mas liher cu ta posibel.

Directiva di SMOA