Comunicado di prensa:
 
Un bunita gesto di parti CMB pa Colegio Arubano
 
Dialuna ultimo tawatin entregamento di e premionan na e ganadornan di e promer rifa di Colegio Arubano.
 
E promer premio, den forma di 2 pasashi ida y buelta pa Miami mas $1000, a wordu gana door di CMB. Espontaneamente e directiva di CMB, den persona di sr. Cisco Quant, a duna e premio bek na Colegio Arubano. Esaki tawata un bunita sorpresa pa e comishon di lustro. Masha Masha danki na CMB.
 
Tambe un danki grandi na Tiara Air cu a sponsor e dos pasashinan pa Corsow.
 
E comishon di lustro di Colegio Arubano  tambe kier a felicita tur e otro feliz ganadornan, esta sr. Alfredo Tromp , sr. A. Dabian , alumno Brighton Boekhoudt y sra Gilda Kelly cu nan premionan.
 
Alaves un gradicimiento pa tur e alumnonan, docentenan ,mayornan y pueblo henter cu a contribui cu nan prome rifa.
 
FERIA dianan 11 y 12 december 2009
Colegio Arubano ta den pleno celebracion di su 50 Aniversario y tin varios actividad planea riba calendario escolar. E siguiente actividad lo ta e feria cu ta tuma lugar dia 11 y 12 di december 2009. Un cordial invitacion na henter pueblo Arubano pa no lubida di bishita e feria y asina yuda Colegio Arubano recauda fondo pa yega nan meta.
 
Comishon lustro di Colegio Arubano