REUNION   GENERAL   DI   MIEMBRONAN

 Na principio di cada aña escolar, mas tanto na September, OCCA ta organisa un reunion general di miembronan. Den anuncionan di corant directiva ta convoca e reunion aki, y desde awor tambe pa medio di nan website. Durante di e reunion general di miembronan, directiva ta informa tocante tur locual OCCA a haci e aña escolar cu a pasa. Mayornan cu kier bira miembro di directiva di OCCA por inscribi nan mes durante di e reunion. Si cualquier persona tin interes pa bira miembro, pero no por ta presente e anochi ey, favor manda un E-mail na info@occa.aw.

DIRECTIVA   DIARIO

Tur aña Directiva di OCCA ta eligi bao di su miembronan un Directiva Diario. Ariba e pagina

tocante di Miembronan di Directiva por haya pa lesa kendenan ta forma parti di Directiva y di Directiva Diario pa e aña aki.

FREQUENCIA   DI   REUNION

OCCA ta reuni un 1 biaha pa luna. Fuera di esey tin diferente comision di cua e miembronan

bao di otro ta fija nan mes dianan di reunion. Durante di accion of campañanan por sosode cu

ta reuni mas biaha.

MIEMBRO   DI   DIRECTIVA

OCCA ta conta cu tur miembro di Directiva ta asisti na reunionnan asumiendo un posicion activo. Tambe ta masha facil si miembronan tin e posibilidad pa ricibi y contesta e-mail. Miembronan por acerca e secretario pa ricibi informacion tocante actividadnan di parti di

OCCA den ultimo añanan. Conjuntamente nos mester percura pa salvaguardia interes di

mayornan na school.