TOCANTE   DI   OCCA

Tur mayor/voogd di alumnonan di Colegio Arubano ta miembro di e Comision di Mayornan di Colegio Arubano (CMCA). Tin 1 comision pa tur e tres localidadnan di e school, pues pa esun

di Vondellaan, e localidad di Emma y esun na San Nicolas. OCCA ta atende y promove interes

di e mayornan y naturalmente tambe di e discipulonan. Directiva di OCCA ta percura pa keda al tanto di tur e desarollonan na e school. Regularmente tin deliberacionnan cu rectorado. Tambe dos miembro di OCCA ta forma parti di directiva di SMOA. Punto di bista di directiva ta cu un bon cooperacion entre mayornan y school unicamente por ta na beneficio di e alumnonan.

Remarke y of critica di mayornan semper lo ricibi atencion serio di parti di directiva di OCCA, pero OCCA no ta unicamente un comision di quejo. OCCA ta atende interes di mayornan den nan totalidad. Naturalmente semper lo asisti y yuda mayornan cu nan asuntonan individual y lo mustra nan e caminda apropia pa cana si nan pidi esaki.

Un directiva ta dirigi OCCA. Na principio di tur aña escolar directiva ta yama un reunion general di miembronan, durante cua mayornan ta haya e oportunidad pa bira miembro di directiva. Directiva e ora ta escoge bow di e miembronan di directiva nan (vice)presidente, secretario y tesorero(nan).

E directiva ta reuni un dos biaha pa luna, mayoriamente ariba diamars anochi di 8'or pa 10'or.

Pa esaki OCCA a haya un localidad pa reunion na Colegio Arubano. OCCA ta funciona conforme

su ”reglamentonan domestico” cu miembronan por download for di e seccion ”downloads”.